|
14:19 |
15. maí 2022 |
Þættir úr sögu sveitar: Næstu ábúendur á Akri
24. þáttur. Eftir Jón Torfason
Eftir að Guðmundur Guðmundsson lést og Steinunn Jónsdóttir ekkja hans flutti burt með börn sín, eins og rakið hefur verið í undanförnum þáttum, komu hingað hjón frá Þorbrandsstöðum í Langadal, Gísli Ólafsson (1762-1810) og Solveig Sigurðardóttir (1773-1838). Þau voru hér tvö ár 1803-1805 en fluttu þá aftur búrferli sín að Þorbrandsstöðum og lést Gísli skömmu síðar en Solveig bjó þar áfram. |
|
18:13 |
13. maí 2022 |
Ferðaþjónustan, gamli bærinn, orku- og atvinnumál, umhverfismál og dass af hampi!
Frá frambjóðendum G-listans
Klárlega má gera ráð fyrir ákveðinni „sprengingu“ í ferðaþjónustu hér á svæðinu á komandi mánuðum og stefnir því í gott ár með ferðaþyrstum einstaklingum. Strax á fyrstu mánuðum ársins mátti sjá gríðarlega jákvæðar tölur fyrir ferðaþjónustuna í heild og er bókunarstaðan nú þegar orðin góð hjá mörgum aðilum. En hvar erum við stödd í ný sameinuðu sveitarfélagi hvað ferðaþjónustu varðar? |
|
18:09 |
13. maí 2022 |
Það sem skiptir máli
Eftir Zophonías Ara Lárusson sem skipar 3.sæti lista sjálfstæðismanna og óháðra.
Ég ætla að fara hér yfir nokkur mál sem ég legg áherslu á og finnst virkilega skipta máli svo sveitarfélagið geti haldið áfram að vaxa og verði samkeppnishæft við önnur sveitarfélög um búsetu fólks og framþróun.
Það er undirstaða velsældar að sveitarfélagið hafi fjölbreytt og blómlegt atvinnulíf með öflugum fyrirtækjum og stofnunum. |
|
18:05 |
13. maí 2022 |
Hugleiðingar til framtíðar
Eftir Guðmund Arnar Sigurjónsson
Það hefur nú sennilega ekki farið framhjá neinum, að á morgunn göngum við til kosninga og kjósum okkur sveitastjórn í nýju sameinuðu sveitarfélagi. Mér sýnist enginn verða svikinn af því að mæta á kjörstað og styðja sinn lista því að úrvalið af frábæru og frambærilega fólki lita alla listanna. |
|
14:58 |
13. maí 2022 |
Setjum X við B á kjördag
Á morgun er sögulegur dagur, en þá verður í fyrsta skipti gengið til kosninga í nýja sameinaða sveitarfélaginu okkar. Kjósendur fá jafnframt að kjósa um tillögur að nýju nafni á sveitarfélagið, svo það er tvöföld ástæða til að mæta á kjörstað. Það að kjósa fulltrúa í sveitarstjórn er mikilvægur þáttur lýðræðis okkar og það að bjóða fram starfskrafta sína á framboðslista er jafnframt stór ákvörðun. |
|
11:01 |
13. maí 2022 |
Nokkur orð um auðmýkt og upplýsingar
Eftir Elínu Aradóttur
Framsókn og aðrir framfarasinnar hafa mótað skýra stefnu, sem kynnt hefur verið nú í aðdraganda sveitarstjórnarkosninga. Meðal þess sem við viljum leggja áherslu á er ábyrg fjármálsstjórnun, öflug upplýsingamiðlun og virkt íbúalýðræði. Við höfum í stefnuskrá okkar boðað margvíslegar aðgerðir til uppbyggingar og framfara í nýju sveitarfélagi. |
|
09:04 |
13. maí 2022 |
Flokkur fólksins setur Sundabraut í forgang
Eftir Eyjólf Ármannsson
Flokkur fólksins styður uppbyggingu á fjölbreyttra samgönguleiða og virðir þá staðreynd að langflestir Reykvíkingar ferðast með bílum. Taka verður á óþolandi töfum í umferðinni og skipulag má ekki þrengja um of að bílaumferð.
Sundabraut er eitt af forgangsmálum flokksins fyrir borgarstjórnarkosningarnar í Reykjavík og framkvæmdir verða að hefjast sem allra fyrst. |
|
06:06 |
13. maí 2022 |
Er ekki kominn tími á framfarir
Eftir Halldór Skagfjörð Jónsson
Korter í kosningar langar mig að skrifa nokkur orð um það mál sem mig varðar mikið. Það mál er fjallskil í minni fjallskiladeild. Lengi hef ég verið ósáttur með smalamennsku, tímasetningar og fleira. Óánægjan er hávær í umræddri fjallskiladeild. Víðar en á mínu heimili. Bændur vilja seinka göngum, afrétturinn er ekki smalaður í þeirri röð sem margir vilja, kallað er eftir breytingum en ekkert gerist, ár hvert. |
|
22:00 |
12. maí 2022 |
Verum upplýst - leikur að tölum
Eftir Ragnhildi Haraldsdóttur
Við, frambjóðendur Sjálfstæðisflokks og óháðra, biðjum ykkur, kæru kjósendur um ykkar umboð til að halda áfram þeirri vinnu sem framundan er, sem varðar sameiningu sveitarfélaganna tveggja Blönduósbæjar og Húnavatnshrepps. Í okkar röðum eru fjórir af þeim sex aðilum sem voru í sameiningarnefnd/samstarfsnefnd sveitarfélaganna. |
|
21:55 |
12. maí 2022 |
Nýtt og betra samfélag
Eftir Jón Gíslason og Berglindi Hlín Baldursdóttur
Nú styttist í kosningar sem haldnar verða laugardaginn 14.maí næstkomandi. Yfir kjósendur hvolfast stefnuskrár og loforð frambjóðenda um hvernig þeir vilji vinna að því að gera samfélagið okkar enn betra. Mikill samhljómur er í þeim loforðum og allir vilja leggja sitt að mörkum fyrir hið nýja sveitarfélag. En hvað einkennir góð samfélög? Hvernig má byggja upp samfélag sem hlúir að öllum þeim þáttum sem sem íbúar telja mikilvæga? |
|
10:53 |
12. maí 2022 |
Betur má ef duga skal - Nokkur orð um stjórnunarhætti og lýðræðið
Eftir Elínu Aradóttur
Þó hlýindum sé ekki enn fyrir að fara, þá er farið að grænka og það er vorhugur í fólki. Við erum mörg sem sækjumst eftir því að koma að stjórnun nýs sameinaðs sveitarfélags Húnavatnshrepps og Blönduósbæjar. Sjötíu og tveir íbúar eiga sæti á alls fjórum framboðslistum, sem sýnir sannarlega að það er virkni og vilji í samfélaginu til góðra verka. |
|
08:21 |
12. maí 2022 |
Kosningar 2022
Eftir Margréti Einarsdóttur
Á laugardaginn ganga Íslendingar til sveitastjórnakosninga. Í flestum sveitarfélögum eru bornir fram listar þar sem kjósendur getur valið sér þá einstaklinga, sem þeir treysta best til að vinna sínu sveitarfélagi allt hið besta. Það sem gerir þessar kosningar sérstakar fyrir okkur íbúa á Blönduósi og í Húnavatnshreppi er að nú erum við að velja okkur þá fulltrúa sem við viljum að ljúki því verki sem byrjað var á fyrir mörgum árum, þ.e. að sameina þessi sveitarfélög. |
|
21:14 |
11. maí 2022 |
Tækifærin í breytingunum
Eftir Grím Rúnar Lárusson
Kæru sveitungar, nú líður senn að kosningum og vonandi allir farnir að huga að því hvernig best sé að ráðstafa sínu atkvæði.
Stórar breytingar eru í vændum í okkar nærumhverfi á næstu árum. Allt frá stafrænni þróun stjórnsýslunnar yfir í börn sem munu hefja nám í nýjum skóla. Svo breytingarnar sem við stöndum frammi fyrir gangi vel upp þarf samfélagið að vinna saman sem eitt. |
|
12:36 |
11. maí 2022 |
Samstarf og sókn
Eftir Guðmund Hauk Jakobsson
Nú líður senn að kosningum, kosningum sem marka tímamót í okkar samfélagi, nú líkur sögu Blönduósbæjar og Húnavatnshrepps sem sjálfstæðra eininga og við tekur vinna við mótun nýs sameinaðs sveitarfélags. Á stundu sem þessari verður mér hugsað til baka, hvað hefur áunnist, hvernig hefur okkur gengið, hvert stefnum við. |
|
09:27 |
11. maí 2022 |
Ferðaþjónustan og framtíðin
Eftir Erlu Gunnarsdóttur
Nú líður að kjördegi og þá greiðum við okkar atkvæði um það hverjum við treystum best til þess leiða okkur inn í nýja tíma sem sameinað sveitarfélag. Hið nýja sveitarfélag mun þurfa að horfast í augu við ýmsar áskoranir, ein áskorunin er án efa sú hvernig við náum að sameina ekki bara sveitarfélagið heldur einnig fólkið. Það er mín einlæga ósk að allir leggist á eitt um að það takist sem fyrst svo að við getum farið að vinna saman samfélaginu öllu til heilla. |
Til baka
Loka
Prenta
