|
07:50 |
28. mars 2021 |
Bólusetningardagatalið uppfært
Bóluefnadagatal heilbrigðisráðuneytisins og sóttvarnalæknis hefur verið uppfært í samræmi við nýjustu upplýsingar um afhendingu bóluefna gegn COVID-19. Gert er ráð fyrir að á öðrum ársfjórðungi, þ.e. í apríl, maí og júní berist bóluefni fyrir samtals rúmlega 193.000 einstaklinga. Gangi það eftir hefur Ísland þá fengið bóluefni fyrir samtals 240.000 einstaklinga frá því að bólusetningar hófust í lok desember. |
|
15:18 |
27. mars 2021 |
Kraftur í húsbyggingum á Blönduósi vekur athygli
Í Tíufréttum Sjónvarps á þriðjudaginn var fjallað um framkvæmdir á Blönduósi og sagt frá því að meira hafi verið byggt á Blönduósi síðustu mánuði en mörg undanfarin ár. Rætt var við Valdimar O. Hermannsson, sveitarstjóra Blönduósbæjar, sem sagði að enn vantaði meiri innspýtingu í landshlutann sem setið hefði eftir í byggðaaðgerðum stjórnvalda. |
|
13:30 |
27. mars 2021 |
Skagaströnd tekur við fasteignum FISK-Seafood
Sveitarfélagið Skagaströnd hefur tekið við fasteignum FISK-Seafood ehf. en samningur þess efnis var undirritaður 17. mars síðastliðinn. Fasteignirnar sem afsalaðar voru til sveitarfélagsins eru að Túnbraut 1-3, Oddagötu 12 og Hafnarlóð 9. Um er að ræða iðnaðarhúsnæði sem hýsti áður gömlu rækjuvinnsluna, síldarverksmiðjuna á hafnarsvæði ásamt skrifstofuhúsnæði sem hýsir Greiðslustofu Vinnumálastofnunar og skrifstofu sveitarfélagsins. |
|
12:49 |
27. mars 2021 |
Sveitarstjórnir samstíga um kosningu 5. júní
Sveitarstjórnir Blönduósbæjar, Húnavatnshrepps, Skagabyggðar og Sveitarfélagsins Skagastrandar hafa samþykkt að atkvæðagreiðsla um sameiningu sveitarfélaganna fari fram 5. júní næstkomandi og falið samstarfsnefnd að undirbúa atkvæðagreiðslu, og kynna tillögu um sameiningu og helstu forsendur fyrir íbúum. |
|
10:19 |
27. mars 2021 |
Bólusetning gengur vel á Norðurlandi
Í næstu viku fær Heilbrigðisstofnun Norðurlands senda 480 skammta af Pfizer bóluefninu sem verður nýtt til að bólusetja seinni bólusetningu hjá þeim sem fengu bóluefni 2. og 9. mars. Þá verður starfsfólk sem eftir eru inn á hjúkrunar- og dvalardeildum og annað heilbrigðisstarfstarfsfólk sem er inn á heilbrigðistofnunum bólusett. Einnig er gert ráð fyrir að byrja með bólusetningar á slökkviliðsmönnum og að þær klárist í vikunni eftir páska. |
|
10:00 |
27. mars 2021 |
Vilja RARIK á Norðurland vestra
Atvinnuveganefnd Alþingis hefur til umfjöllunar þingsályktunartillögu Höllu Signýjar Kristjánsdóttur og tveggja annarra þingmanna Framsóknarflokksins um að stefna skuli að flutningi höfuðstöðva RARIK á landsbyggðina og kannað verði á grundvelli hagsmuna félagsins hvar hentugast væri að byggja upp höfuðstöðvar og efla starfsstöðvar um landið. Stjórn Samtaka sveitarfélaga á Norðurlandi vestra hefur sent inn umsögn um þingsályktunartillöguna og tekur hún undir sjónarmið hennar. |
|
09:36 |
27. mars 2021 |
Mikil ánægja með Hæfnihringi
Á dögunum lauk Hæfnihringjum, samstarfsverkefni landshlutasamtaka og atvinnuþróunarfélaga, sem snýr að stuðningi fyrir konur í fyrirtækjarekstri á landsbyggðinni. Hæfnihringirnir fóru af stað í byrjun febrúar og stóðu yfir í 5-6 vikur. Alls voru 40 konur skráðar um land allt. Konunum var skipt upp í sex hópa og fóru þeir fram á netinu í gegnum forritið Zoom. Mikil ánægja var með Hæfnihringina. |
|
08:00 |
26. mars 2021 |
Þóra Margrét býður sig fram á lista VG í Norðvesturkjördæmi
Húnvetningurinn Þóra Margrét Lúthersdóttir býður sig fram í 2.-3. sæti á lista Vinstri grænna í Norðvesturkjördæmi fyrir komandi alþingiskosningar. Hún er elst fjögurra systkina, dóttir hjónanna Lúthers Olgeirssonar og Sigríðar Ragnarsdóttur. Þóra Margrét er uppalin í Forsæludal í Vatnsdal og er með búfræðiprófa frá Hvanneyri. Hún er í sambúð með Einari Árna Sigurðssyni og eiga þau saman fjögur börn á aldrinum 7-11 ára. |
|
07:33 |
26. mars 2021 |
Norðaustan hríðarveður í dag
Veðurstofa Íslands hefur gefið út gula veðurviðvörun fyrir nærri allt landi í dag. Á Ströndum og Norðurlandi vestra verður norðaustan hríðarveður, hvassviðri með vindhraða á bilinu 13-20 m/s og mjög hvössum vindstrengjum við fjöll sem staðbundið geta farið yfir 25 m/s. Búist er við snjókomu með skafrenningi og lélegu skyggni og versnandi akstursskilyrðum. |
|
14:59 |
25. mars 2021 |
Almenn afgreiðsla lokuð í þrjár vikur
Almenn afgreiðsla á skrifstofu Blönduósbæjar og í Ráðhúsi Húnaþings vestra verður lokuð næst þrjár vikur vegna hertra sóttvarnarráðstafana. Áfram verður svarað erindum og leitast við að aðstoða og leiðbeina íbúum eftir fremsta megni, en aðgengi er takmarkað til öryggis. Íbúar eru hvattir til þess að nýta síma og tölvupóst. |
|
12:25 |
25. mars 2021 |
Aðalfundi Styrktarsjóðs Austur-Húnvetninga frestað um óákveðin tíma
Aðalfundi Styrktarsjóðs Austur-Húnvetninga sem vera átti í kvöld er frestað um óákveðin tíma í ljósi aðstæðna í þjóðfélaginu. |
|
07:08 |
25. mars 2021 |
Skorað á Arion banka og Samkaup
Á fundi sveitarstjórnar Skagabyggðar í síðustu viku voru fyrirhuguð áform Arion banka, að loka útibúinu á Blönduósi, til umræðu. Sveitarstjórn mótmælir áformunum og lýsir yfir miklum vonbrigðum yfir skertri fjármálaþjónustu við íbúa í Austur-Húnavatnssýslu. Skorar hún á Arion banka að endurskoða ákvörðunina. Þá skorar sveitarstjórn einnig á verslanir Kjörbúðarinnar á svæðinu að stórauka vöruúrval vara sem framleiddar eru í héraðinu. |
|
20:32 |
24. mars 2021 |
Norðaustan hríðarveður (Gult ástand)
Veðurstofan hefur gefið út gula veðurviðvörun fyrir Strandir og Norðurland vestra sem gildir frá klukkan 15 á morgun og til hádegis á föstudaginn. Spáð er hvassviðri með vindhraða á bilinu 13-20 m/s og mjög hvössum vindstrengjum við fjöll sem staðbundið geta farið yfir 25 m/s. Búist er við talsverðri snjókomu með skafrenningi og lélegu skyggni og versnandi akstursskilyrðum. |
|
16:29 |
24. mars 2021 |
Stórhertar sóttvarnaaðgerðir taka gildi á miðnætti - fjöldatakmörk 10 manns
Hertar reglur um sóttvarnarráðstafanir á landsvísu taka gildi á miðnætti í kvöld. Tíu manna fjöldatakmörkun verður meginregla og aðeins börn fædd 2014 og síðar verða þar undanskilin. Grunn-, framhalds-, tónlistar- og háskólum verður lokað þar til páskafrí tekur við. Margvísleg starfsemi sem rúmast ekki innan reglu um 10 manna fjöldatakmörkun verður stöðvuð. |
|
13:11 |
24. mars 2021 |
Gunnar á Akri sækist eftir 1.- 4. sæti á lista Samfylkingarinnar í Norðvesturkjördæmi
Gunnar Rúnar Kristjánsson á Akri í Húnavatnshreppi sækist eftir 1.-4. sæti á lista Samfylkingarinnar í Norðvesturkjördæmi fyrir komandi alþingiskosningar. Gunnar er fæddur og uppalinn í Reykjavík en hefur lengst af búið utan höfuðborgarsvæðisins. Hann er menntaður í búvísindum frá landbúnaðarháskólanum í Danmörku og hefur stundað mastersnám í opinberri stjórnsýslu í Háskóla Íslands. Gunnar starfar hjá RARIK á Blönduósi og er giftur Jóhönnu Erlu Pálmadóttur. |
Til baka
Loka
Prenta
