|
15:18 |
07. nóv. 2022 |
Sungið í kirkjukórnum í tæp 70 ár
Guðrún Sigurðardóttir hefur sungið í kór Hólaneskirkju á Skagaströnd í tæp 70 ár, eða frá því að hún var 16 ára gömul. Það væri sjálfsagt ekki í frásögur færandi að fólk sýndi kirkjunni sinni trygglyndi ef ekki væri svo að bæði dóttir Guðrúnar, dótturdóttir og barnabarnabarn hennar syngja líka í kórnum. Sagt er frá þessu á kirkjan.is undir flokknum Fólkið í kirkjunni. |
|
14:01 |
07. nóv. 2022 |
Haustdagur ferðaþjónustunnar
Haustdagur ferðaþjónustunnar á Norðurlandi vestra er loksins haldinn aftur í raunheimum og í þetta skiptið sem vinnustofa í stefnumótunarverkefni, sem nú stendur yfir. Samtök sveitarfélaga á Norðurlandi vestra stenda fyrir deginum og er yfirskrift hans Kíkt í kjarnann. Hjörtur Smárason ráðgjafi mun leiða vinnustofu þar sem rætt verður um orðspor Norðurlands vestra, sögu og ímynd svæðisins og gildi íbúanna sem þar búa. |
|
10:37 |
07. nóv. 2022 |
SSNV þátttakandi í tveimur alþjóðlegum samstarfsverkefnum sem fengu styrk
Samtök sveitarfélaga á Norðurlandi vestra er þátttakandi í tveimur alþjóðlegum samstarfsverkefnum sem hlutu nýverið styrk úr Norðurslóðaáætlun. Verkefnin fjalla um að styrkja sjálfbæran vöxt, samkeppnishæfni og fjölgun starfa hjá litlum og meðalstórum fyrirtækjum. Vinnuheiti verkefnanna tveggja er annars vegar GLOW og hins vegar Target Circular. |
|
14:09 |
06. nóv. 2022 |
Með níu líf og búinn með sautján
Á menningarvef Vísis er þáttur sem heitir RAX Augnablik en í þeim segir ljósmyndarinn Ragnar Axelsson sögurnar á bak við margar af sínum þekktustu myndum. Ragnar hefur starfað á vettvangi í meira en fjörutíu ár og eru sögurnar hans ævintýralegar. Nýr þáttur kemur út á hverjum sunnudegi á Vísi og á Stöð 2+. Í dag segir Ragnar m.a. frá því þegar hann tók myndir af Jónmundi Ólafssyni, bónda í Kambakoti í Skagabyggð. |
|
14:00 |
06. nóv. 2022 |
Slasaðist í fjallshlíð í Laxárdal
Í gær fékk lögreglan á Norðurlandi vestra tilkynningu um slys í Mánaskál í Laxárdal. Þar hafði einstaklingur runnið niður fjallshlíð langa vegalengd og hlaut nokkuð slæm meiðsli af, að því er segir í færslu á Facebook lögreglunnar. Þar kemur fram að björgunarsveit og sjúkralið, ásamt lögreglu hafi farið á vettvang. Þyrla Landhelgisgæslunnar var fengin til að flytja hinn slasaða á Landspítalann í Reykjavík til aðhlynningar. |
|
10:38 |
05. nóv. 2022 |
Auglýsingar í Húnavökuritinu
Frá USAH
Nú er vinnan við Húnavökuna á síðustu metrunum og verður vonandi með í jólabókaflóðinu í ár. En til þess að svona stórt verkefni verði að veruleika ár eftir ár í rúm 60 ár þurfum við á ykkur að halda. Ein leið til að styrkja útgáfu Húnavökunnar er að kaupa auglýsingar í ritið. |
|
13:28 |
03. nóv. 2022 |
Háhraða 5G net komið á Hvammstanga
Nova hefur sett upp 5G sendi á Hvammstanga og býður því bæjarbúum upp á áður óþekktan nethraða á svæðinu, eins og segir í tilkynningu frá fyrirtækinu. Þar með bætist Hvammstangi í hóp þeirra 45 bæjarfélaga sem hafa aðgang að 5G, en Nova hefur undanfarin ár komið upp yfir 90 sendum í öllum landshlutum. |
|
11:39 |
03. nóv. 2022 |
Samstarf í úrgangsmálum álitlegur kostur
Í skýrslu sem verkfræðistofan Efla hefur tekið saman er bent á margt sé líkt í úrgangsstjórnun sveitarfélaga í Húnavatnssýslum og því gæti mögulegt samstarf og samhæfing verið álitlegur kostur. Í minnisblaði um næstu skref í áformuðu útboði úrgangsmála í Húnaþingi vestra og lagt var fram á byggðarráðsfundi á mánudaginn kemur fram að öll sveitarfélögin í Húnavatnssýslum eru að klára samningstímabil vegna sorphirðu eða reka málaflokkinn á framlengdum samningum og að fyrirhugað sé að standa að sameiginlegu útboði hvað úrgangsmál varðar á næstunni. |
|
10:06 |
03. nóv. 2022 |
Uppfærð áfangastaðaáætlun komin út
Búið er að uppfæra áfangastaðaáætlun fyrir Norðurland 2021-2023 sem gefin var út í byrjun síðasta árs. Áætlunin er unnin af Markaðsstofu Norðurlands í samstarfi við Ferðamálastofu og nær yfir allt Norðurland eða frá Hrútafirði og yfir á Bakkafjörð. Í henni eru dregin saman helstu stefnumál ferðaþjónustunnar á svæðinu og meðal annars tilgreind helstu forgangsverkefni hvers sveitarfélags í landshlutanum. |
|
09:30 |
02. nóv. 2022 |
Vinnustofa Vaxtarrýmis haldin á Skagaströnd
Norðanátt, sem er hreyfiafl nýsköpunar á Norðurlandi, stendur fyrir átta vikna viðskiptahraðli sem heitir Vaxtarrými og í síðustu viku var haldin vinnustofa í gamla frystihúsinu á Skagaströnd. Þar unnu teymin meðal annars að viðskiptaáætlun ásamt jafningjaráðgjöf og gagnlegum styrktaræfingum. Einnig var Vörusmiðja BioPol heimsótt þar sem framleiðendur og frumkvöðlar þróa og framleiða sína vöru. Þá nærðist hópurinn á nýja veitingastaðnum á Skagaströnd, sem er Harbour restaurant & bar. |
|
09:17 |
01. nóv. 2022 |
Rjúpnaveiðitímabilið hefst á hádegi
Samkvæmt ákvörðun Guðlaugs Þórs Þórðarsonar umhverfisráðherra hefst rjúpnaveiðitímabilið í dag, 1. nóvember. Leyfilegt verður að veiða rjúpu frá 1. nóvember til og með 4. desember. Veiði er heimili frá og með föstudegi til og með þriðjudags, frá klukkan 12 og skal veiði eingöngu standa yfir á meðan að birtu nýtur. Ítrekað er að sölubann er á rjúpum og á það jafnt við um sölu til endursöluaðila og annarra. |
|
21:29 |
31. okt. 2022 |
Syndum - Landsátak í sundi
Íþrótta- og Ólympíusambandi Íslands stendur fyrir er heilsu- og hvatningarátak í sundi sem stendur frá 1.- 30. nóvember. Markmiðið með Syndum er að hvetja almenning til þess að hreyfa sig oftar og meira í sínu daglega lífi og nota meðal annars sund til þess. Átakið var formlega sett á laggirnar á sama tíma í fyrra og var þátttakan þá gríðarlega góð, en alls syntu landsmenn 11,6 hringi í kringum landið. |
|
14:17 |
31. okt. 2022 |
Hrekkjavakan er í dag
Það fer víst ekki fram hjá neinum að í dag er Hrekkjavaka. Á Skagaströnd kallast hún Skaggavaka og klukkan 16 í dag munu börn fara í hús og sníkja nammi. Þeir sem vilja taka þátt geta skreytt eða sett kerti fyrir utan hjá sér til að börnin viti að þau séu velkomin. Klukkan 18-20 verður draugahús í Félagsmiðstöðinni og draugasögur í Spákonuhofi. Í Félagsmiðstöðinni Skjólinu á Blönduósi verður líka draugahús og eru allir íbúar Húnabyggðar boðnir velkomnir að kíkja í heimsókn. Opið verður klukkan 18-19. |
Til baka
Loka
Prenta
