14:14 |
20. nóv. 2022 |
Samstarfssamningur endurnýjaður
Selasetur Íslands og Hafrannsóknarstofnun hafa endurnýjað samstarfssamning um eflingu rannsókna á selum við Ísland á starfsstöðinni á Hvammstanga og þá sérstaklega á vöktun á stofnstærð útsels og landsels. Þá kveður samningurinn á um gagnasöfnun og rannsóknir sem stuðla að bættri ráðgjöf í samræmi við stjórnunarmarkmið stjórnvalda. |
12:29 |
20. nóv. 2022 |
USAH fagnaði 110 ára afmæli
Ungmennasamband Austur-Húnvetninga fagnaði 110 ára afmæli í síðustu viku með glæsilegri veislu á Blönduósi. Aðildarfélögum USAH, fulltrúum sveitarfélaga, Ungmennafélagi Íslands og Íþrótta- og Ólympíusambandi Íslands var boðið til afmæliskvöldverðar á B&S Restaurant. Á meðal gesta var Gunnar Þór Gestsson, varaformaður UMFÍ. |
07:28 |
20. nóv. 2022 |
Minningardagur um fórnarlömb umferðarslysa
Árlegur alþjóðlegur minningardagur um fórnarlömb umferðarslysa er haldinn í dag. Í ár verður sérstök áhersla lögð á öryggi óvarinna vegfarenda. Minningarathafnir eru hringinn í kringum landið af þessu tilefni, þar á meðal við þyrlupall bráðamóttöku Landspítalans í Fossvogi klukkan 14, eftir þriggja ára hlé vegna faraldursins. Þar verða flutt ávörp og einnig verður fórnarlamba umferðaslysa minnst með einnar mínútu þögn. Minningarathafnir víðs vegar um landið eru haldnar á vegum Slysavarnarfélagsins Landsbjargar. |
13:59 |
19. nóv. 2022 |
Samtal um Holtavörðuheiðarlínu 3
Landsnet hefur hafið undirbúning að mati á umhverfisáhrifum Holtavörðuheiðarlínu 3 milli Holtavörðuheiðar og Blöndu. Á vef Landsnets segir að lagning línunnar sé mikilvægur hlekkur í nýrri kynslóð byggðalína og að meginmarkmiðið sé að auka afhendingaröryggi og afhendingargetu á landinu og tryggja að flutningskerfið standi ekki í vegi fyrir atvinnuuppbyggingu og eðlilegri þróun byggða. |
08:48 |
19. nóv. 2022 |
Hrútafundir framundan
Ráðgjafarmiðstöð landbúnaðarins og búnaðarsamböndin halda sameiginlega hrútafundi á næstu vikum en þeir hafa ekki verið haldnir síðastliðin tvö ár vegna farsóttarinnar. Markmið fundanna er að kynna hrútakost sæðingastöðvanna og ræða um ræktunarstarfið. Fyrstu fundirnir hefjast 21. nóvember og verða þrír fundir haldnir á svæði Búnaðarsambands Húnaþings og Standa. |
13:29 |
18. nóv. 2022 |
Konur breyttu búháttum
Fyrirlestur í Heimilisiðnaðarsafninu
Laugardaginn 19. nóvember klukkan 15:00 mun Bjarni Guðmundsson, prófessor emeratus, á Hvanneyri, flytja fyrirlestur sem hann byggir á samnefndri bók sinni Konur breyttu búháttum -saga mjólkurskólans á Hvanneyri og Hvítárvöllum. Allir velkomnir, ókeypis aðgangur og kaffi og spjall að fyrirlestri loknum. |
09:54 |
18. nóv. 2022 |
Nýtt Hvammshlíðardagatal komið út
Karólína Elísabetardóttir í Hvammshlíð í Skagabyggð hefur gefið út dagatal fyrir 2023. Þetta er fimmta dagatalaútgáfa Karólínu og sem fyrr inniheldur dagatalið fróðleik sem snýst í kringum búskapinn í Hvammshlíð og sveitalífið fyrr og nú. Hún vakti athygli árið 2018 þegar hún hóf sölu á dagatölum til að fjármagna kaup á dráttarvél fyrir búskapinn. |
09:29 |
18. nóv. 2022 |
Hugmyndafundir vegna deiliskipulags í gamla bæjarhluta Blönduóss
Sveitarfélagið Húnabyggð auglýsir á vef sínum tvo opna hugmyndafundi sem haldnir verða í næstu viku. Á þeim verður safnað saman hugmyndum fólks um uppbyggingu gamla bæjarhluta Blönduóss. Fyrri fundurinn verður haldinn 22. nóvember í Félagsheimilinu á Blönduósi klukkan 19 og seinni fundurinn 23. nóvember í Mengi á Óðinsgötu 2 í Reykjavík klukkan 19. Allir áhugasamir eru hvattir til að mæta. |
14:27 |
17. nóv. 2022 |
Húnvetnsk hrossaræktarbú tilnefnd til verðlauna
Fagráð í hrossarækt hefur valið þau hrossaræktarbú sem tilnefnd eru til árlegrar heiðursviðurkenningar Bændasamtaka Íslands, ræktunarbú ársins. Á vef Ráðgjafarmiðstöðvar landbúnaðarins segir að valið hafi staðið á milli 36 búa sem náð höfðu athyglisverðum árangri á árinu. Tilnefnd eru 12 efstu bú ársins að loknum útreikningi, í ár voru nokkur bú jöfn í tólfta sæti og eru búin því 15 í ár. Þar á meðal eru nokkur húnvetnsk hrossaræktunarbú. |
14:11 |
17. nóv. 2022 |
Enn fækkar sláturlömbum
Sláturlömbum heldur áfram að fækka hér á landi og samkvæmt nýjum sláturtölum sem birtar eru í Bændablaðinu nemur fækkunin milli ára um 20 þúsund lömbum. Hjá SAH afurðum fækkar sláturlömbum um 5.565 milli ára, heildarfjöldinn fer úr 73.875 í 68.310. Er þetta næst mesta fækkun hjá sláturhúsi á landinu en mest fækkaði hjá Sláturfélagi Suðurlands eða um tæplega 6 þúsund lömb. |
09:12 |
17. nóv. 2022 |
Bjarmanes - Menningarmiðja Norðurlands
Frá Evu og Erlu
Næst komandi föstudag opnar Bjarmanes menningar-og samveruhús á Hólanesvegi, Skagaströnd. Að stofnun Menningarmiðju Norðurlands sem rekur Bjarmanes: menningar- og samveruhús standa vinkonurnar G. Eva Guðbjartsdóttir og Erla María Lárusdóttir sem búsettar eru á Skagaströnd. Þeim fannst vanta vettvang þar sem hægt væri að ýta undir menningu, listir og samveru á Skagaströnd og ákváðu að taka málin í eigin hendur. |
14:34 |
16. nóv. 2022 |
Ungt og upprennandi listafólk í Höfðaskóla
Nemendur á unglingastigi í Höfðaskóla sem voru í myndmenntavali eyddu síðustu tímunum í listamiðstöðinni Nesi. Þar lærðu þeir að búa til sitt eigið screen printing frá grunni og prófuðu að prenta á bæði pappír og boli, að því er segir á vef Höfðaskóla. Þar segir að verkefnið hafi verið mjög áhugavert og að krakkarnir hafi fengið að kynnast því hve mikil vinna og bras felist oft í gerð listaverka. Útkoman hafi verið allskonar og að þau hafi fagnað bæði því sem misheppnaðist og því sem lukkaðist. |
14:19 |
16. nóv. 2022 |
Velferðasjóður Húnaþins vestra minnir á sig
Hlutverk Velferðasjóðs Húnaþings vestra er að styrkja einstaklinga og fjölskyldur fyrir hátíðir og merkisviðburði í fjölskyldu. Einstaklingar sem búa við þröng fjárráð geta sótt um fyrir 13. desember 2022. Nánari upplýsingar hjá undirrituðum og í tölvupósti: siggi@hunathing.is. Húnaþing vestra, Húnavatnssýsludeild Rauða kross Íslands, Þjóðkirkjan og frjáls framlög standa að sjóðnum. |
11:54 |
16. nóv. 2022 |
Jólamarkaður í Skagabúð
Frá Kvenfélaginu Heklu
Kvenfélagið Hekla heldur Jólamarkað í Skagabúð sunnudaginn 27. nóvember. Þeir sem hafa áhuga á að vera með söluborð geta haft samband fyrir 20. nóvember á netfangið karenhsteins@gmail.com eða í síma 865 8426, 453 6525 eða 848 2732. |
19:03 |
15. nóv. 2022 |
Fengu 100 sálmabækur að gjöf
Tilkynning frá söfnuðinum
Söfnuði Blönduóskirkju barst höfðingleg gjöf síðastliðin sunnudag er haldin var Sálmabókamessa í Blönduóskirkju. Þangað voru mættir afkomendur þeirra hjóna Skúla Jakobssonar Bergstað og Gunnhildar Erlu Þórmundsdóttur og færðu söfnuðinum 100 sálmabækur að gjöf í minningu þeirra hjóna. |