|
13:42 |
25. nóv. 2020 |
Umhverfisviðurkenningar í Húnaþingi vestra
Húnaþing vestra veitir árlega umhverfisviðurkenningar til þeirra sem eru til fyrirmyndar við fegrun lóða sinna. Umhverfisviðurkenningar árið 2020 voru veittar í síðasta mánuði en þær hlutu Sólgarður á Hvammstanga og Helguhvammur II. Nefnd vegna umhverfisviðurkenninga er skipuð af sveitarstjórn og heldur nefndin utan um valið ásamt Ínu Björk Ársælsdóttur umhverfisstjóra. Í nefndinni eru Erla B Kristinsdóttir, Birgir Þór Þorbjörnsson og Sólveig Hulda Benjamínsdóttir. |
|
12:59 |
25. nóv. 2020 |
Ljósin tendruð á jólatrénu
Frá Blönduósbæ
Kæru Blönduósingar. Nú er snjórinn kominn og jólin nálgast. Undir eðlilegum kringumstæðum værum við að setja saman viðburð til að koma saman og kveikja á ljósunum á jólatrénu okkar. En aðstæður í ár eru öðruvísi en við erum vön. Fjöldatakmarkanir setja strik í reikninginn hjá okkur. Til að geta samt haldið í hefðina okkar höfum við ákveðið að börn í 1. og 2. bekk Blönduskóla ásamt kennurum og fulltrúa Blönduósbæjar mæti við kirkjuna klukkan 10 fimmtudaginn 26. nóvember og kveikja á trénu og syngja jólalög. |
|
12:00 |
25. nóv. 2020 |
Roðagyllum heiminn og Ísland líka
Eftir Guðrúnu Láru Magnúsdóttur
Dagana 25. nóvember til 10. desember munu Alþjóðasamtök Soroptimista, ásamt fjölda annarra félagasamtaka, standa fyrir sextán daga átaki á heimsvísu sem nefnist „Orange the world“. Markmiðið er að vekja athygli á ofbeldi gegn konum undir heitinu „Roðagyllum heiminn“. Þessi litur táknar bjartari framtíð án ofbeldis. |
|
11:42 |
25. nóv. 2020 |
Enginn í einangrun eða sóttkví
Aðgerðastjórn almannavarna á Norðurlandi vestra hefur uppfært skráningu yfir þá sem eru í einangrun og sóttkví vegna kórónuveirufarsóttarinnar á Norðurlandi vestra. Taflan er sérlega ánægjuleg að þessu sinni og sýnir að enginn er í einangrun eða sóttkví. Aðgerðastjórnin vonar að svo verði áfram. „Til þess að svo verði verðum við öll að halda vöku okkar og huga áfram að okkar einstaklingsbundnu sóttvörnum, því að almannavarnir í þessu tilfelli byrja heima,“ segir í tilkynningu. |
|
10:53 |
25. nóv. 2020 |
Kveikt á jólatrénu við Blönduóskirkju
Grenitré hefur verið reist við Blönduóskirkju en það var fengið í Gunnfríðarstaðaskógi hjá Skógræktarfélagi Austur-Húnvetninga og er 11,5 metra hátt. Á morgun, fimmtudaginn 26. nóvember, klukkan 10:00 verða ljósin kveikt á trénu. Dagskráin verður með breyttu sniði í ár og vegna fjöldatakmarkana verður hún ekki opin öllum. |
|
18:20 |
24. nóv. 2020 |
Appelsínugul veðurviðvörun í kvöld
UPPFÆRT
Veðurstofa Íslands hefur gefið út appelsína veðurviðvörun fyrir Strandir og Norðurland vestra í kvöld. Spáð er sunnanhríð, 15-23 metrum á sekúndu og snjókomu eða slyddu, einkum á Ströndum og á Holtavörðuheiði og Laxárdalsheiði. Veðrinu fylgir ört versnandi akstursskilyrði. Á fimmtudaginn hefur svo verið gefin út gul viðvörun. |
|
17:54 |
24. nóv. 2020 |
Fimm milljarðar til sóknaráætlana landshluta
Greinargerð um sóknaráætlanir landshluta fyrir tímabilið 2015-2019 hefur verið gefin út. Í henni kemur fram að rúmum 5 milljörðum króna var varið til sóknaráætlana landshluta á tímabilinu. Unnið var að 283 áhersluverkefnum um land allt á tímabilinu og framlag til þeirra nam 1,6 milljörðum króna. Styrkir úr uppbyggingarsjóði námu 2,3 milljörðum og voru 2.966 verkefni styrkt, en rúmar fimm þúsund umsóknir bárust. |
|
10:05 |
24. nóv. 2020 |
Páll Pétursson fyrrverandi ráðherra er látinn
Páll Pétursson á Höllustöðum, bóndi, fyrrverandi alþingismaður og ráðherra, lést á Landspítalanum í gær 23. nóvember, 83 ára að aldri. Hann var fæddur á Höllustöðum í Blöndudal 17. mars 1937. Foreldrar hans voru Pétur Pétursson, bóndi á Höllustöðum í Blöndudal, og Hulda Pálsdóttir húsmóðir. Hann var elstur fjögurra systkina. |
|
14:19 |
23. nóv. 2020 |
Tveir hafernir við Vatnsdalshóla
Róbert Daníel Jónsson, áhugaljósmyndari og forstöðumaður Íþróttamiðstöðvarinnar á Blönduósi, náði mögnuðum myndum af tveimur haförnum við Vatnsdalshóla í morgun. Haförninn er stærsti og sjaldgæfasti ránfugl landsins, með yfir tveggja metra vænghaf, oft nefndur konungur fuglanna. |
|
13:50 |
23. nóv. 2020 |
Listasýning á bókasafninu
Frá Héraðsbókasafni A-Hún. á Blönduósi
Frá deginum í dag til fimmtudags 26. nóvember verður sýning á verkum Kart Ojavee (Ph.D.) á bókasafninu á Blönduósi. Kart er listamaður, hönnuður og fyrirlesari frá Eistlandi og styrkhafi í Textíllistamiðstöðinni á Blönduósi (Nordic-Baltic scholarship styrkt af Nordic Culture Point). Hún starfar einnig hjá innanhúsarktítektúr-deild Listaháskólans í Tallinn á sviði bíotextíl. |
|
10:19 |
21. nóv. 2020 |
Framleiðsla dilkakjöts minnkar milli ára
Sauðfjárslátrun er nú lokið á landinu og alls var 485.245 dilkum og 49.237 af fullorðnu sauðfé slátrað, eða samtals 534.482. Mest var slátrað hjá Sláturfélagi Suðurlands eða 107.532 og næst mest hjá Kaupfélagi Skagfirðinga eða 102.906. Sláturfélag KVH á Hvammstanga er í þriðja sæti með 96.746, Sláturhús Norðlenska í því fjórða með 89.111 og SAH Afurðir á Blönduósi í fimmta með 79.746. |
|
09:39 |
21. nóv. 2020 |
Metfjöldi umsókna í Uppbyggingarsjóð
Alls bárust 123 umsóknir til Uppbyggingarsjóðs Norðurlands vestra en frestur til að sækja um fyrir árið 2021 rann út 16. nóvember síðastliðinn. Sótt var um fyrir samtals 228 milljónir en til úthlutunar eru rúmar 70 milljónir. Þetta eru nokkru fleiri umsóknir en undanfarin ár og aldrei hafa borist fleiri umsóknir í atvinnuþróunar- og nýsköpunarhluta sjóðsins, að því er segir á vef Samtaka sveitarfélaga á Norðurlandi vestra. |
|
09:33 |
21. nóv. 2020 |
Viðspyrna Íslands kynnt
Efnahagsaðgerðir ríkisstjórnarinnar
Ríkisstjórnin kynnti í gær viðspyrnustyrkir og stuðningur við atvinnuleitendur, lífeyrisþega, barnafjölskyldur og félagslega viðkvæma hópa. Ákveðið hefur að greiða sérstakt viðbótarálag á grunnbætur atvinnuleysistrygginga á næsta ári sem koma á til móts við þann stóra hóp sem á næstu mánuðum fellur út af tekjutengdum atvinnuleysisbótum. |
|
09:09 |
21. nóv. 2020 |
Hönnunar- og prjónasamkeppni Prjónagleðinnar
Textílmiðstöðin á Blönduósi er að fara af stað með hönnunar- og prjónasamkeppni í tilefni Prjónagleðinnar sem haldin verður á Blönduósi 11.-13. júní á næsta ári. Verkefnið er hanna á og prjóna vesti fyrir barn eða fullorðinn. Þema keppninnar er áferð í náttúru Íslands og ber að hafa það í huga við hönnunina, sem skal vera ný. Óheimilt er að nota áður útgefin prjónamynstur eða uppskriftir. Vestin skulu handprjónuð úr íslenskri ull. Sagan á bak við hönnunina skal fylgja með, útprentuð. |
|
14:54 |
20. nóv. 2020 |
Aukið svigrúm til kennslu í tónlistarskólum
Heilbrigðisráðherra hefur ákveðið að draga úr takmörkun á skólastarfi í tónlistarskólum og auka þannig svigrúm til tónlistarkennslu. Tónlistarskólum verður heimilt að sinna einstaklingskennslu en halda skal 2 metra reglu milli starfsfólks og nemenda. Hámarksfjöldi verður sambærilegur og í grunnskólum; 25 hjá eldri nemendunum, þ.e. í 8.-10. bekk en 50 hjá yngri nemendum. Tveggja metra reglan gildir um nemendur í 8.-10. bekk en ef víkja þarf frá henni skulu notaðar andlitsgrímur. |
Til baka
Loka
Prenta
