|
12:00 |
31. okt. 2020 |
Fjöldatakmarkanir á gámaplaninu
Fjöldatakmarkanir hafa tekið gildi á gámaplaninu á Blönduósi. Vegna nýrra reglna um samkomutakmarkanir þarf að takmarka þar umferð þannig að aldrei séu fleiri en tíu inn á svæðinu í einum. Umferð verður stýrt um hliðið og eru viðskiptavinir beðnir um að virða tilmæli frá starfsfólki og bíða í bílum þangað til þeim er heimilað að losa úrgang. |
|
11:06 |
31. okt. 2020 |
Átta í einangrun - 38 í sóttkví
Aðgerðastjórn almannavarna á Norðurlandi vestra hefur uppfært skráningu yfir þá sem eru í einangrun og sóttkví vegna kórónuveirufarsóttarinnar. Nú eru átta í einangrun og 38 í sóttkví samanber meðfylgjandi töflu. Í tilkynningu segir að fjölgaði hafi í einangrun, en að þau smit séu hjá einstaklingum sem voru í sóttkví. |
|
09:21 |
31. okt. 2020 |
Sýslumaðurinn á Norðurlandi vestra hvetur viðskiptavini sína til að nýta sér rafræn samskipti
Tilkynning frá Sýslumanninum á Norðurlandi vestra
Minnum á að www.island.is og www.syslumenn.is eru alltaf aðgengilegar. Hvetjum viðskiptavini til að nota sér rafrænar þjónustuleiðir í samskiptum, svo sem að senda fyrirspurnir í tölvupósti á nordurlandvestra@syslumenn.is eða innheimta@syslumenn.is. Síminn hjá okkur er 458-2500 þar er svarað kl. 9.00 - 15.00. |
|
14:48 |
30. okt. 2020 |
Vinnustofum Uppbyggingarsjóðs aflýst
Orðsending frá Uppbyggingarsjóði Norðurlands vestra
Vegna aukins fjölda kórónuveirusmita á Norðurlandi vestra hefur verið tekin sú ákvörðum að aflýsa vinnustofum/viðtalstímum sem áttu að vera á svæðinu 2.-4. nóvember nk. Minnt er á að starfsmenn SSNV eru til viðtals alla virka daga og eru umsækjendur hvattir til að hafa samband með sínar spurningar/vangaveltur, ef einhverjar eru. |
|
14:44 |
30. okt. 2020 |
Laugardagsopnun á bókasafninu
Frá Héraðsbókasafni A-Hún. á Blönduósi
Vegna óvissa um samkomur í nóvember höfum við ákveðið að hafa opið á morgunn, laugardaginn 31. október frá klukkan 13:00 - 17:00. Virðum sóttvarnir, 10 manna takmörkun, 2 metra regla og sprittun. |
|
13:17 |
30. okt. 2020 |
Hertar sóttvarnaráðstafanir frá 31. október
Heilbrigðisráðherra hefur fallist á tillögur sóttvarnalæknis um hertar sóttvarnaráðstafanir sem taka gildi laugardaginn 31. október. Sömu reglur munu gilda um allt land. Meginbreytingin felst í 10 manna fjöldatakmörkum í stað 20 áður. Allt íþróttastarf verður óheimilt og sviðslistir sömuleiðis. Gert er ráð fyrir að reglur um hertar aðgerðir gildi til og með 17. nóvember. Þær verða endurmetnar eftir aðstæðum með hliðsjón af því hvort hægt verði að aflétta þeim fyrr, eða hvort framlenging sé nauðsynleg. |
|
11:39 |
30. okt. 2020 |
Ferð fulltrúa sýslumanns til Hvammstanga fellur niður 3. nóvember n.k.
Tilkynning frá Sýslumanninum á Norðurlandi vestra
Í varúðarskyni vegna Covid-19 faraldurs sem herjað hefur á landið fellur niður fyrirhuguð ferð fulltrúa sýslumanns til Hvammstanga þriðjudaginn 3. nóvember nk. |
|
11:17 |
30. okt. 2020 |
Vonar að áhugi á vefnaði verði endurvakinn með tilkomu rafræns gagnagrunns
Rafrænn gagnagrunnur með vefnaðarmunstrum og uppskriftum er nú opinn fyrir almenning, textíliðnaðinn, textílhönnuði og vefara á heimsíðu Textílmiðstöðvar Íslands á Blönduósi. Með tilkomu gagnagrunnsins opnast möguleikar til að búa til ný munstur, sem byggja á gömlum vefnaðarmunstrum, vefnaðarprufum og sýnishornum og nýta þau til dæmis í iðnaðarframleiðslu og nýsköpun í textílhönnun. Textílmiðstöðin vonar að með tilkomu gagnagrunnsins verði áhug á vefnaði endurvakinn hér á landi. |
|
09:42 |
30. okt. 2020 |
Ferðamenn taldir við Hvítserk
Um miðjan þennan mánuð var settur upp ferðamannateljari við Hvítserk. Eftirspurn eftir rauntímagögnum um fjölda ferðamanna og dreifingu þeirra um landið hefur aukist töluvert á undanförnum árum. Því réðust Ferðamálastofa og Umhverfisstofnun í það samstarfsverkefni að fjölga áfangastöðum ferðamanna sem talið er á. |
|
09:23 |
30. okt. 2020 |
Sviðsettu olíuslys í Skagafirði
Í vikunni var haldin sameiginleg skrifborðsæfing með aðilum sem sjá um leit og björgun annars vegar og viðbragðsaðilum við mengunaróhöppum hins vegar. Þátt tóku aðilar í starfi Arctic Coast Guard Forum (AGCF) og Emergency Preparedness Prevention and Response vinnuhóps Norðurskautsráðsins (EPPR). Sett var á svið atburðarás þar sem olíuflutningaskip og farþegaskip rekast saman norður af Skagafirði. |
|
09:15 |
30. okt. 2020 |
Þjónusta Sveitarfélagsins Húnaþings vestra mun skerðast næstu daga
Í ljósi þess að smit hafa greinst í Húnaþingi vestra hvetur sveitarfélagið íbúa til að sýna aðgætni meðan verið er að ná utan um smitrakningu. Í tilkynningu á vef Húnaþings vestra eru þeir sem komu í íþróttamiðstöðina eða sundlaugina síðastliðið mánudagskvöld eftir klukkan 19:15 beðnir að sýna sérstaka aðgætni og halda sig til hlés næstu daga. Vakni frekari spurningar eða séu flensulík einkenni til staðar er fólk beðið að hafa samband við heilsugæsluna. |
|
21:17 |
29. okt. 2020 |
Fimm í einangrun - 47 í sóttkví
Aðgerðastjórn almannavarna á Norðurlandi vestra hefur uppfært skráningu yfir þá sem eru í einangrun og sóttkví vegna kórónuveirufarsóttarinnar. Nú eru fimm í einangrun og 47 í sóttkví samanber meðfylgjandi töflu. Í ljósi staðfestra smita á Norðurlandi vestra vill aðgerðastjórnin ítreka fyrri tilmæli sín til almennings um að huga vel að eigin sóttvörnum og fylgja eftir þeim reglum og fyrirmælum sem sóttvarnaryfirvöld hafa gefið út. |
|
10:40 |
29. okt. 2020 |
Eldur í Húnaþingi vantar framkvæmdastjóra
Eldur í Húnaþingi óskar eftir að ráða framkvæmdastjóra. Leitað er eftir einstaklingi eða hópi til að taka að sér skipulag og framkvæmd hátíðarinnar á næsta ári, 2021. Eldur í Húnaþingi er árleg hátíð á Hvammstanga sem hóf göngu sína árið 2003. Fyrst var hátíðin unglistahátíð en hefur þróast yfir í fjölskyldu- og bæjarhátíð. Hátíðin hefur mikið gildi fyrir íbúa Húnaþins vestra. |
|
10:27 |
29. okt. 2020 |
Opnað fyrir umsóknir um framlög vegna verslunar í strjálbýli
Samgöngu- og sveitarstjórnarráðherra hefur opnað fyrir umsóknir um framlög sem veitt eru til verslana í strjálbýli, eins og kveður á um í stefnumótandi byggðaáætlun fyrir árin 2018-2024. Markmið með aðgerðinni er að styðja verslun í skilgreindu strjálbýli fjarri stórum þjónustukjörnum, þar sem verslun hefur átt erfitt uppdráttar. Umsóknarfrestur er til miðnættis mánudaginn 30. nóvember 2020. |
|
15:47 |
28. okt. 2020 |
Rjúpnaveiðitímabilið að hefjast
Veiðitímabil rjúpu verður frá 1. - 30. nóvember í ár. Fyrirkomulag veiðanna nú er það sama og í fyrra, sem þá var ákveðið til þriggja ára. Heimilt er að veiða fimm daga í viku, frá föstudegi til þriðjudags, en veiðibann er á miðvikudögum og fimmtudögum. Ítrekað er að sölubann á rjúpum er áfram í gildi og eru veiðimenn hvattir til hófsemi í veiðum. |
Til baka
Loka
Prenta
