|
13:48 |
07. mars 2023 |
Aðalsafnaðarfundur Blönduóskirkju þann 22. mars ATH. breytt dagsetning
Tilkynning frá stjórn
Aðalsafnaðarfundur Blönduóskirkju verður haldinn í safnaðarheimili kirkjunnar þann 22. mars n.k. og hefst fundurinn kl. 17:00. |
|
13:17 |
07. mars 2023 |
Leggur til að Sigurður Þór verði ráðinn í starf sviðsstjóra fjölskyldusviðs
Byggðarráð Húnaþings vestra leggur til að Sigurður Þór Ágústsson verið ráðinn í starf sviðsstjóra fjölskyldusviðs Húnaþings vestra. Starfið var auglýst laust til umsóknar í byrjun febrúar með umsóknarfresti til 24. febrúar síðastliðinn. Fjórar umsóknir bárust en einn umsækjandi dró umsókn sína til baka að afloknum viðtölum. Umsækjendur voru Eiríkur Steinarsson, Erla Björgvinsdóttir og Sigurður Þór Ágústsson. |
|
13:11 |
07. mars 2023 |
Fagna framlagningu frumvarps til laga um samvinnuverkefni um samgönguframkvæmdir
Byggðarráð Húnaþings vestra hefur sent umsögn við frumvarp til laga um samvinnuverkefni um samgönguframkvæmdir. Ráðið fagnar frumvarpinu og bendir á að sveitarfélagið hafi ekki farið varhluta af skorti á uppbyggingu vega. Um land allt sé brýn þörf á uppbyggingu stofn- og tengivega sem muni taka áratugi að ljúka við, sé miðað við fjármagn sem sett er á samgönguáætlun til slíkra verka. Í frumvarpinu eru kynntar leiðir sem stuðla eiga að tækifærum til flýtingar stærri framkvæmda sem uppfylla ákveðin skilyrði. Með því losna fjármunir til annarra verka. |
|
10:58 |
07. mars 2023 |
Krútthúsið fær andlitsupplyftingu
Framkvæmdir standa nú yfir á húsinu sem áður hýsti brauðgerðina Krútt og staðsett er í gamla bænum á Blönduósi. Í undirbúningi er að opna þar veitinga- og viðburðarými. Feðgarnir Grétar Guðmundsson og Reynir Grétarsson hafa undanfarna daga unnið að því að glerja húsið og þá hafa stafirnir á strompinum verið fjarlægðir og hann lagfærður. Nýir KRÚTT stafir verða settir á strompinn í svipuðum stíl. |
|
16:42 |
06. mars 2023 |
Söngkvöld á Teni
Haldið verður söngkvöld á veitingastaðnum Teni á Blönduósi laugardaginn 11. mars næstkomandi klukkan 20. Geirmundur Valtýsson spilar undir á harmonikku, Stefán Gíslason á hljómborð og Jói Færeyingur á trommur. Skagfirðingar, Húnvetningar og allir Norðlendingar geta mætt og sungið Geirmundarlög og önnur lög sem allir kunna. |
|
11:56 |
06. mars 2023 |
Aðalfundur Umf. Hvatar er í dag
Aðalfundur Ungmennafélagsins Hvatar á Blönduósi verður haldinn í dag, mánudaginn 6. mars 2023 á skrifstofu Umf. Hvatar og USAH að Húnabraut 4, Blönduósi. Fundurinn hefst klukkan 18:00. |
|
15:28 |
05. mars 2023 |
Unnu í smásagnakeppni FEKÍs
Húnaskóli á tvo vinningshafa í smásagnakeppni Félags enskukennara en verðlaunaafhending fór fram á Bessastöðum á fimmtudaginn. Smásagnakeppnin hófst 26. september síðastliðinn og keppt var í fjórum flokkum; 5. bekkur og yngri grunnskóli, 6.-7. bekkur grunnskóli, 8.-10. bekkur grunnskóli og framhaldsskóli. Hver skóli mátti senda þrjár sögur út hverjum flokki. Keppnin er haldin árlega og var þemað í ár „Power“. |
|
10:12 |
05. mars 2023 |
Yngsti bóndi landsins er í Norðurhaga
Í ársbyrjun tóku Ragnhildur Ásta Ragnarsdóttir og Dagur Freyr Jónasson við búinu Norðurhaga. Ragnhildur er 19 ára sem gerir hana að yngsta bónda landsins en hún tekur við búinu af foreldrum sínum og er þar með fjórði ættliðurinn sem hefur búskap á jörðinni. Ríkissjónvarpið veitti þessu athygli og mætti í Norðurhaga til að ræða við Ragnhildi um þessi tímamót. |
|
08:29 |
03. mars 2023 |
Framkvæmdir við sundlaugina á Hvammstanga
Fyrir dyrum standa umfangsmiklar framkvæmdir við sundlaugina á Hvammstanga. Gerður verður lagnakjallari milli sundlaugar og húss til að auðvelda viðhald lagna sem hefur verið vandkvæðum bundið undanfarin ár, að því er segir á vef Húnaþings vestra. Lagnir eru komnar til ára sinna og hafa verið að gefa sig með tilheyrandi óþægindum. |
|
08:00 |
03. mars 2023 |
Húnabyggð fær styrk úr Lýðheilsusjóði
Húnabyggð hefur fengið 900 þúsund króna styrk úr Lýðheilsusjóði vegna tveggja verkefna; Heilsueflandi Húnabyggð og Allir með. Úthlutað var úr sjóðnum föstudaginn 24. febrúar í húsakynnum Íþrótta- og Ólympíusambands Íslands. Úthlutað var rúmum 86 milljónum króna til 150 verkefna og rannsókna. Styrkt voru fjölbreytt verkefni um land allt, ætluð öllum aldurshópum. |
|
17:12 |
02. mars 2023 |
Tilnefndur til verðlauna fyrir sýninguna FLÓI
Finnbogi Pétursson er tilnefndur til Íslensku myndlistarverðlaunanna í flokknum myndlistarmaður ársins. Fær hann tilnefninguna fyrir sýninguna FLÓI sem fram fór í Hillebrandtshúsinu á Blönduósi síðastliðið sumar. Íslensku myndlistarverðlaunin verða afhent við hátíðlega athöfn í Iðnó 16. mars næstkomandi. |
|
16:48 |
02. mars 2023 |
Rekstrarstjóri í frumkvöðlafyrirtæki
Frá Foodsmart Nordic
Foodsmart Nordic leitar að aðila til að stýra nýrri og glæsilegri starfsemi á Blönduósi sem nú er í uppbyggingu og verður tekin í notkun á næstu mánuðum.
Starfið felur í sér yfirumsjón og ábyrgð á aðfangakeðju og framleiðslu á fæðubótarvörum, allt frá innkaupum og birgðahaldi á hráefnum til framleiðslu og afhendingar. Foodsmart Nordic starfar eftir ISO-vottuðu stjórnunarkerfi. |
|
16:45 |
02. mars 2023 |
Umsóknir um orlofshús 2023
Frá Stéttarfélaginu Samstöðu
Nú er komið að sumarumsóknum orlofshúsa 2023 og geta félagsmenn okkar sótt um vikudvöl á eftirfarandi stöðum: Illugastöðum, Einarsstöðum, Ölfusborgum, Jötnagarðsás við Munaðarnes og Reynivelli hjá Reykholti. Félagsmenn geta nálgast umsóknareyðiblöð til útprentunar á heimasíðu félagsins: www.samstada.is eða nálgast það á skrifstofum félagsins á Blönduósi eða Hvammstanga. Umsóknum sé skilað á skrifstofur félagsins eigi síðar en 24.mars, nk. |
|
07:57 |
02. mars 2023 |
Tónleikar í Bjarmanesi
Tónlistarmaðurinn Svavar Knútur heldur tónleika í Bjarmanesi, hjá Menningarsmiðju Norðurlands föstudaginn 3. mars klukkan 20:30 en húsið opnar klukkutíma fyrr. Hugljúfa söngvaskáldið syngur fyrir gesti blöndu af frumsömdum og sígildum lögum ásamt einstökum furusögum. Aðgangseyrir er 2.000 krónur, enginn posi. |
|
18:56 |
01. mars 2023 |
Héraðssaksóknari ákærir ekki
Ríkisútvarpið greindi frá því fyrr í dag að héraðssaksóknari muni ekki gefa út ákærur í skotárásarmálinu á Blönduósi. Héraðssaksóknari ákvað að fella málið niður á grundvelli neyðarvarnar og því verður engin ákæra lögð fram í tengslum við skotárásina. |
Til baka
Loka
Prenta
