|
06:57 |
01. mars 2023 |
Opnað fyrir framtalsskil einstaklinga í dag
Í dag opnar Skatturinn fyrir framtalsskil einstaklinga. Framtalið verður aðgengilegt á þjónustuvef Skattsins og ber öllum sem náð hafa 16 ára aldri í lok árs 2022 að skila skattframtali og telja fram. Lokaskiladagur er 14. mars og niðurstöður álagningar mun svo liggja fyrir eigi síðar en 31. maí næstkomandi.
Helstu upplýsingar um laun, fasteignir, ökutæki, bankainnstæður, vaxtatekjur, hlutabréf, arð og skuldir eru fyrirfram settar á framtalið. |
|
21:25 |
28. feb. 2023 |
Stofnfundur Pílukastsfélags Húnabyggðar
Stofnfundur Pílukastsfélags Húnabyggðar verður haldinn þriðjudaginn 7. mars n.k. kl. 20:00 á skrifstofu USAH/Hvatar að Húnabraut 4. |
|
21:19 |
28. feb. 2023 |
USAH vill halda Landsmót UMFÍ 50+ árið 2024
Ungmennasamband Austur Húnvetninga sækist eftir að halda Landsmót 50+ á næsta ári. Tvö önnur sambönd innan UMFÍ vilja einnig halda mótið þ.e. Héraðssambandið Skarphéðinn og Ungmennafélagið Þróttur Vogum. |
|
16:33 |
28. feb. 2023 |
Gera úttekt á samfélagslegum áhrifum slæms ástands Vatnsnesvegar
Á fundi byggðarráðs Húnaþings vestra í gær var lagt fram tilboð frá Rannsóknarstofnun Háskólans á Akureyri í gerð úttektar á samfélagslegum áhrifum slæms ástands Vatnsnesvegar. Úttektin kostar rúmlega 1,3 milljónir króna. Byggðarráð samþykkti að ráðist verði í gerð úttektarinnar og felur sviðsstjóra fjármála- og stjórnsýslusviðs að undirbúa gerð viðauka við fjárhagsáætlun ársins 2023 vegna þessa. |
|
20:20 |
27. feb. 2023 |
Sóknarnefnd Blönduóskirkju þakkar fyrir sig
Sóknarnefnd Blönduóskirkju sendir þakkir til þeirra sem styrkt hafa Orgelsjóð Blönduóskirkju á undanförnum árum með beinum fjárframlögum, miðakaupum á viðburði eða með kaupum á minningarkortum sjóðsins. Þetta kemur fram á Fésbókarsíðu Blönduóskirkju. |
|
17:42 |
27. feb. 2023 |
Húnabyggð úthlutar lóðum í nýju hverfi
Húnabyggð auglýsir á vef sínum 33 lóðir til úthlutunar, þar af 22 einbýlishúsalóðir og 11 par- og raðhúsalóðir. Heildarfjöldi íbúða er á bilinu 49-75 og heildar byggingamagn á bilinu 8.810-11.080 fermetrar. Lóðirnar eru staðsettar í nýju hverfi á Blönduósi við Hólabraut, Holtabraut, Lækjarbraut og Fjallabraut. Um úthlutunina gilda nýsamþykktar reglur sveitafélagsins um úthlutun lóða. |
|
15:57 |
27. feb. 2023 |
Súpu og fræðslukvöld
Tilkynning
Soroptimistaklúbburinn Við Húnaflóa stendur fyrir súpu- og fræðslukvöldi fimmtudaginn 9. mars 2023 klukkan 19:30 í Grunnskóla Húnaþings vestra. Fyrirlesari kvöldsins er Anna Steinsen frá KVAN, en hún ætlar að fjalla um samskipti milli kynslóða og hvað einkennir hverja kynslóð. Hvernig við getum nýtt okkur styrkleika okkar til að eiga í góðum samskiptum við aðra? |
|
07:18 |
27. feb. 2023 |
Kormákur Hvöt þéttir raðirnar
Kormákur Hvöt heldur áfram að þétta raðirnar og mynda lið fyrir komandi átök í 3. deildinni í sumar. Stjórn meistaraflokksráðs og sókndjarfi varnarmaðurinn Papa Diounkou Tecagne náðu nýverið samkomulagi um framlengingu á samningi Papa. Hann hefur leikið 20 leiki með Kormáki Hvöt og lék með Fjarðabyggð í 2. deild áður. |
|
05:58 |
25. feb. 2023 |
Skráning safngripa á Byggðasafninu Reykjum
Undanfarin tvö ár hefur Byggðasafn Húnvetninga og Strandamanna á Reykjum unnið markvisst að skráningu safngripa. Safnið hefur tvisvar fengið styrk úr Safnasjóði til verkefnisins. Í fyrra skiptið var Birta Þórhallsdóttir ráðin til verkefnisins en í seinna skiptið Ágúst Örn Jóhannesson, sem starfað hefur hjá byggðasafninu um áraskeið. Nú hefur byggðasafnið fengið styrk í þriðja skiptið frá Safnasjóði og mun Ágúst sjá aftur um verkefnið. |
|
14:29 |
23. feb. 2023 |
Spænskur miðvörður til Kormáks Hvatar
Alberto Sanches Montilla, 27 ára örfættur miðvörður frá Andalúsíu á Spáni, er genginn til liðs við Kormák Hvöt. Í tilkynningu um félagskiptin segir: „Alberto er fjall af manni og einmitt það sem liðið vantaði í hina hörðu baráttu 3. deildar sem er framundan. Í heildina telur hann 193 sentímetra upp í loft og ætti því að veita bleikliðum góðan liðsstyrk í föstum leikatriðum á báðum endum vallarins í sumar." |
|
13:52 |
23. feb. 2023 |
Miklar loðnutorfur í Húnaflóa
Miklar loðnutorfur hafa óvænt fundist norður af Húnaflóa og tilkynnti Hafrannsóknastofnun í gær að búast mætti við að minnsta kosti eitthundrað þúsund tonna aukningu loðnukvótans. Viðbótin gæti skilað tíu milljarða króna útflutningsverðmæti. Rannsóknarskipið Árni Friðriksson sinnti rannsóknum dagana 12.-21. febrúar í Húnaflóa en endalegar niðurstöður leiðangursins liggja ekki fyrir og ný veiðiráðgjöf verður því ekki tilbúin fyrr en í byrjun næstu viku. |
|
07:28 |
23. feb. 2023 |
Forvarnaveggur Undirheima
Unglingar í félagsmiðstöðinni Undirheimum á Skagaströnd hafa ýmislegt fyrir stafni og er sagt frá því á vef Skagastrandar. Þar segir að um daginn hafi þeir búið til forvarnavegg þar sem allar helstu bjargir og upplýsingar um þær er að finna. QR kóði fylgir flestum upplýsingunum svo hægt er að skanna með símanum sínum og komast inn á vefsíður sem um ræðir. |
|
06:33 |
23. feb. 2023 |
Óskað eftir tilnefningum vegna samfélagsviðurkenninga í Húnaþingi vestra 2023
Félagsmálaráð Húnaþings vestra óskar eftir tilnefningum vegna samfélagsviðurkenninga fyrir árið 2023. Óskað er eftir tilnefningum frá íbúum sveitarfélagsins um aðila til samfélagsviðurkenninga fyrir verk sín eða störf í þágu samfélagsins. Allir koma til greina, jafnt einstaklingar, fyrirtæki sem og félagasamtök, sem hafa með gjörðum sínum og framgöngu látið gott af sér leiða og verið öðrum góð fyrirmynd. |
|
17:21 |
22. feb. 2023 |
Ný deiliskipulagstillaga fyrir Kálfshamarsvík
Á fundi sveitarstjórnar Skagabyggðar í síðustu viku var samþykkt að endurauglýsa deiliskipulagstillögu í Kálfshamarsvík. Ekkert deiliskipulag er til staðar en talin er þörf á slíku skipulagi meðal annars vegna síaukins fjölda ferðamanna um svæðið. Markmið með deiliskipulaginu er að bæta aðstöðu fyrir ferðamenn og aðgengi þeirra sem sækja Kálfshamarsvík heim. |
|
16:03 |
22. feb. 2023 |
Miklar hækkanir á sorpgjaldi í Húnabyggð
Á vef Húnabyggðar er sagt frá gjaldskrárbreytingum í sorphirðumálum en ný gjaldskrá fyrir sameinað sveitarfélag tók gildi um áramótin. Þar sem breytingarnar eru kynntar seint og gjöldin innheimt með fasteignagjöldum hefur sveitarfélagið ákveðið að fresta fyrsta gjalddaga fasteignagjalda um einn mánuð eða til 1. mars næstkomandi. Samkvæmt nýju gjaldskránni verður sorpgjald fyrir hefðbundna 240 lítra heimilistunnu 62.000 krónur á ári, sem er 52% hækkun fyrir íbúa í fyrrum Húnavatnshreppi og 28% hækkun fyrir íbúa í fyrrum Blönduósbæ. |
Til baka
Loka
Prenta
