|
16:31 |
10. sep. 2020 |
100 laxa vika í Miðfjarðará
Alls hafa veiðst 1.507 laxar í Miðfjarðará sem af er sumri og gaf síðasta veiðivika 100 laxa en veitt er á átta stangir í ánni. Miðfjarðará er í þriðja sæti yfir aflahæstu ár landsins og er í fyrsta sæti þeirra vatnakerfa sem byggja veiði ekki alfarið á seiðasleppingum. Laxá á Ásum er komin í 647 laxa og gaf síðasta veiðivika 44 laxa, veitt er á fjórar stangir. Veiði í Blöndu var hætt þegar hún fór á yfirfall og stendur því í stað með 475 laxa. Víðidalsá er komin í 433 laxa með vikuveiði upp á 80 laxa. |
|
15:44 |
10. sep. 2020 |
Sæti í úrslitakeppninni tryggt
Sameiginlegt lið Kormáks og Hvatar er komið í úrslitakeppni 4. deildar í Íslandsmótinu í knattspyrnu karla. Það var staðfest í gærkvöldi þegar Skautafélag Reykjavíkur tapaði fyrir Álafossi. SR sem er í þriðja sæti B riðils getur þar með ekki náð Kormáki/Hvöt að stigum sem er í öðru sæti í riðlunum en tvö efstu liðin fara í úrslitakeppnina. KFR er í efsta sæti með 27 stig og hefur spilað alla sína leiki í riðlinum. Kormákur/Hvöt er í öðru sæti en getur með sigri á sunnudaginn komist á topp riðilsins. |
|
14:23 |
10. sep. 2020 |
Auglýsa lóðir án gatnagerðargjalda
Sveitarstjórn Skagastrandar ætlar að fella niður öll gatnagerðargjöld vegna bygginga á lóðum við götur í sveitarfélaginu sem eru nú þegar tilbúnar. Byggingalóðirnar verða auglýstar sérstaklega og þurfa umsóknir að berast fyrir áramót. Röð umsókna gildir varðandi afgreiðslu og úthlutun á einstaka lóðum.
Við úthlutun lóðanna gilda ákvæði um að byggingarframkvæmdir skuli vera hafnar innan árs frá úthlutun og að byggingar hafi hlotið fokheldisvottorð innan tveggja ára. |
|
14:07 |
10. sep. 2020 |
Áætlaðar skatttekjur lækkaðar um 60 milljónir
Á fundi byggðarráðs Húnaþings vestra á mánudaginn var lögð fram tillaga að viðauka við fjárhagsáætlun sveitarfélagsins fyrir árið 2020. Tillagan er fyrst og fremst tilkominn vegna áhrifa sem COVID-19 faraldurinn hefur á rekstur sveitarfélagsins, bæði til lækkunar tekna og aukis kostnaðar. Að auki hefur snjóþungur vetur orðið til þess að hækka þarf áætlun vegna snjómoksturs og hálkuvarna. Viðaukinn gerir ráð fyrir að skatttekjur sveitarfélagsins lækki um 60 milljónir á árinu. |
|
10:08 |
10. sep. 2020 |
Æfingar að hefjast hjá kirkjukór Blönduóskirkju
Tilkynning frá stjórn
Kirkjukór Blönduóskirkju hefur æfingar á nýju starfsári þann 16. september, en æfingar undir stjórn Eyþórs Franzsonar Wechner organista verða alla miðvikudaga í vetur klukkan 20-22.
Framundan er spennandi starfsár með margs konar samstarfi og uppákomum. Okkur vantar alltaf nýtt fólk í kórinn, þannig að endilega kíkið á okkur ef þið hafið áhuga á söng. |
|
09:27 |
10. sep. 2020 |
Meðaltals hækkun afurðaverðs til bænda 6,5%
Allar afurðastöðvar í sauðfjárrækt hafa nú birt gjaldskrár afurðaverðs til bænda. Hæst er verðið hjá Kaupfélagi Skagfirðinga og Kaupfélagi Vestur-Húnvetninga, 508 krónur á kíló og hækkar um 6% milli ára. SAH Afurðir á Blönduósi greiða 503 krónur á kílóið og nemur hækkun milli ára um 9%. Sláturfélagi Vopnfirðinga greiðir 507 krónur á kíló lambakjöts og nemur hækkunin milli ára 8,5%. |
|
20:36 |
09. sep. 2020 |
Íbúar á landsbyggðinni fá lægri flugfargjöld
Íbúar á landsbyggðinni með lögheimili fjarri höfuðborginni eiga frá og með deginum í dag kost á lægri flugfargjöldum til borgarinnar. Sigurður Ingi Jóhannsson, samgöngu- og sveitarstjórnarráðherra, kynnti þessa nýjung, sem ber heitið Loftbrú, á kynningarfundi í flugstöðinni á Egilsstöðum í dag. Loftbrú veitir afsláttarkjör til þeirra sem eiga lögheimili á landsbyggðinni fjarri höfuðborgarsvæðinu og á eyjum. Undir Loftbrú falla Vestfirðir, hluti af Norðurlandi vestra, Norðurland eystra, Austurland, Hornafjörður og Vestmannaeyjar. |
|
20:28 |
09. sep. 2020 |
Íslenskt - láttu það ganga
„Frá bakara til forritara. Frá forritara til hönnunar. Frá hönnun til bænda. Frá bónda til bakara. Frá þér til þín. Þannig gengur þetta - frá þér til þín í stöðugri hringrás.“ Þetta er á meðal þess sem atvinnuvega- og nýsköpunarráðuneytið ásamt Samtökum iðnaðarins, Samtökum atvinnulífsins, Samtökum verslunar og þjónustu, Samtökum ferðaþjónustunnar, Samtökum fyrirtækja í sjávarútvegi, Samtökum fjármálafyrirtækja, Samorku og Bændasamtökum Íslands, vilja minna landsmenn á í kynningarátakinu Íslenskt - láttu það ganga sem fór af stað í dag. |
|
20:04 |
09. sep. 2020 |
Nýr og ferskur Feykir kominn út
Feykir kom út í dag en í blaðinu má finna ýmislegt gagnlegt og gott frá Norðurlandi vestra, auk fastra liða eins og venjulega, afþreyingu í boði hússins í bland við skemmtilega umfjallanir og viðtöl. Í blaðinu er m.a. ferðasaga um leiðangur fámenns hóps í Húsgilsdrag þar sem minningarplatti um Helgu Sigurðardóttur, fylgikonu Jóns Arasonar, síðasta kaþólska biskups fyrir siðaskipti, var festur á stein. |
|
21:27 |
08. sep. 2020 |
Félags- og tómstundastarf á Blönduósi að hefjast
Frá Sigríði Hrönn Bjarkadóttur
Félags- og tómstundastarf á Blönduósi hefst 10. september næstkomandi. Við viljum bjóða þér (ykkur) að koma og stunda félags- og tómstundastarf sem rekið er af Blönduósbæ ykkur að kostnaðarlausu. Um er að ræða þjónustu sem er opin öryrkjum og þeim sem náð hafa 60 ára aldri og eiga búsetu á Blönduósi eða í Húnavatnshrepp. |
|
12:24 |
08. sep. 2020 |
Leita að framúrskarandi ungum Íslendingum
JCI Ísland leitar að "Framúrskarandi ungum Íslending árið 2020" á aldrinum 18-40 ára. Verðlaunin eru veitt einstaklingum sem eru að takast á við krefjandi og athyglisverð verkefni og ná góðum árangri. Markmið verðlaunanna eru að verðlaunahafar hljóti hvatningu til frekari dáða og vekja athygli á verkum þeirra. |
|
09:11 |
08. sep. 2020 |
Jazz-tónleikar í Blönduóskirkju
Tónleikaröð sóknarnefndar
Gítarleikarinn Andrés Þór Gunnlaugsson og píanistinn Agnar Már Magnússon munu koma fram á tónleikum í Blönduóskirkju sunnudaginn 13. september klukkan 16. Tónleikarnir eru hluti af tónleikaröð, en Andrés og Agnar fengu styrk frá Tónalandi - landsbyggðartónleikum vegna verkefnisins. Á efnisskránni eru tónverk eftir þá félaga, auk laga eftir Jón Múla, Cole Porter og Luiz Bonfa. |
|
09:02 |
08. sep. 2020 |
Þjálfun í þreksal 60+
Mánudaginn 14. september hefst þjálfun í þreksal fyrir 60 ára og eldri. Er þetta námskeið hugsað fyrir byrjendur eða þá sem vilja læra betur á tækin og fá leiðsögn með rétta líkamsbeitingu. Námskeiðið mun standa í fimm vikur. Í boði verða þrír hópar og komast fimm einstaklingar í hvern hóp. |
|
16:13 |
07. sep. 2020 |
Sex gjaldfrjáls námskeið í boði
Stéttarfélögin Aldan, Kjölur, Samstaða, Sameyki og Verslunarmannafélag Skagafjarðar bjóða félagsmönnum sínum á námskeið, þeim að kostnaðarlausu. Námskeiðin eru haldin á vegum Farskólans á Norðurlandi vestra en þau eru öllum opin og geta aðrir en félagsmenn þessara félaga kannað rétt sinn hjá sínu stéttarfélagi. Námskeiðin eru: |
|
14:19 |
07. sep. 2020 |
Lítil breyting á íbúafjölda milli mánaða
Lítil breyting hefur orðið á fjölda íbúa á Norðurlandi vestra í ágúst en talsverðar breytingar eru innan einstakra sveitarfélaga. Þannig fjölgaði íbúum Blönduósbæjar um níu en íbúum í Húnaþingi vestra fækkar um sömu tölu. Fjöldi íbúa í landshlutanum var 7.427 1. september síðastliðinn sem er tveimur íbúum meira en 1. ágúst 2020 og 100 íbúum meira en 1. desember 2019. |
Til baka
Loka
Prenta
