|
19:48 |
27. maí 2014 |
Um skólamál á Blönduósi
Eftir Önnu Margreti Sigurðardóttur sem skipar 5. sæti L-listans
Eitt af stóru viðfangsefnum flestra sveitarfélaga eru menntamál.
Ég leyfi mér að fullyrða að skólamál í sveitarfélaginu séu til fyrirmyndar, enda er Blönduós eina sveitarfélagið í Austur-Húnavatnssýslu þar sem nemendum í grunn-og leikskóla fjölgar milli ára og tel ég að það sé m.a. vegna þess hvað grunnskólinn og leikskólinn hér á staðnum eru frábærir. Hér er gott að búa með börn.
|
|
16:23 |
27. maí 2014 |
Af ávöxtunum skuluð þér þekkja þá...
Eftir Kristínu Björk Leifsdóttir sem skipar 3. sæti Ð-listans á Skagaströnd
Með grein sinni sem birt var á heimasíðu sveitarfélagsins Skagaströnd, lagði sveitarstjórnarfulltrúi og frambjóðandi í komandi kosningum, fram hugmynd að framboðsfundi. Sú hugmynd kann að virka eins og boð í hanaat á gamaldags máta við fyrstu sýn, en er þó hið ágætasta boð. |
|
23:18 |
26. maí 2014 |
Góðir Skagstrendingar
Eftir Steindór Haraldsson
Ástæða þess að ég hef ekki haft þann tíma, sem ég hefði óskað til að sinna þessari kosningabaráttu er sú að nú þessar vikurnar er hámarksálag og lokahnykkur við að koma upp þeirri atvinnustarfsemi sem ég hef lengi unnið að hér á Skagaströnd. Hálfur sigur er unninn í þessu stóra verkefni. |
|
23:11 |
26. maí 2014 |
Ferðamannaparadísin Skagaströnd
Eftir Halldór Gunnar Ólafsson
Nýlega keypti Sveitarfélagið Skagaströnd þjónustu af fyrirtæki, Rannsóknir og ráðgjöf ferðaþjónustunnar ehf. Það sem sveitarfélagið keypti í raun var skýrsla (sem finna má á vef sveitarfélagsins) þar sem reynt var að leggja mat á fjölda ferðamanna á Skagaströnd á undanförnum árum. |
|
20:23 |
26. maí 2014 |
Stöndum vörð um menntastofnanir
Eftir Hörpu Hermannsdóttur sem skipar 4. sæti J-listans
Harpa Hermannsdóttir heiti ég og sit í 4. sæti á J-listanum, lista umbótasinnaðra Blönduósinga.
Ég ólst upp við þau forréttindi að búa í litlu bæjarfélagi og er mjög þakklát fyrir að ala börn mín upp hér á Blönduósi við svipaðar aðstæður. Einn af frábæru kostum þess að búa í svona litlu sveitarfélagi er samheldnin og náungakærleikurinn, börnin geta leikið úti og farið á milli staða án þess að hafa þurfi áhyggjur af því. Annar kostur þess að búa hér eru góðar menntastofnanir sem eru einar af grunnstoðum hvers samfélags.
Ég hef starfað við skóla s.l. 15 ár og eru fræðslumál mér því hugleikin.
|
|
15:09 |
26. maí 2014 |
Ég er sameiningartákn sveitarfélaga
Eftir Kristínu Jónu sem skipar 10. sæti á J-listans
Ég undirrituð bíð mig fram á lista umbótasinnaðra Blönduósinga (XJ). Ég er fædd í Vestur Skaftafellsýslu. Flutti ung til Skagastrandar, þar sem ég bjó til tvítugs. Þá flutti ég í Áshrepp hinn forna, sem nú tilheyrir Húnavatnshreppi og starfaði þar í hreppsnefnd í eitt kjörtímabil. Fyrir u.þ.b. 9 árum fluttist fjölskyldan á Blönduós. Ég starfa sem kennari við Húnavallaskóla. Í mínum huga er þessi þrjú sveitafélög (Blönduós, Skagaströnd og Húnavatnshreppur) eitt. |
|
13:59 |
26. maí 2014 |
Sumarkveðja úr Húnavatnshreppi
Eftir Þorleif Ingvarsson
A-lista. Lista framtíðar Í Húnavatnshreppi skipa samhentur hópur fólks sem með bjartsýni og jákvæðni að leiðarljósi vill leggja sitt að mörkum til eflingar samfélagsins.
Húnavatnshreppur hefur eins og stærstur hluti landsbyggðarinnar búið við viðvarandi fólksfækkun sem veikir allar grunnstoðir samfélagsins, skekkir aldurssamsetningu og myndi með óbreyttri þróun valda hruni á byggð.
|
|
20:57 |
25. maí 2014 |
Hvað höfum við verið að gera
Eftir Adolf H. Berndsen
Sveitarstjórn Sveitarfélagsins Skagastrandar, tókst margt af ætlunarverkum sínum á síðasta kjörtímabili. Meðal annars getur sveitarstjórnin verið stolt af stærsta verkefninu sem var að koma á hitaveitu í byggðinni í samstarfi við RARIK. Samhliða var lagður ljósleiðari í öll hús sem tóku inn hitaveitu. |
|
20:02 |
25. maí 2014 |
Gerum gott samfélag betra
Eftir Birnu G. Konráðsdóttur
Nú líður senn að kosningum til sveitarstjórna. Um allt land hafa komið fram listar með hæfu fólki sem kýs að bjóða fram krafta sína til starfa í sínum samfélögum. Þar á meðal er Ð-listi á Skagaströnd, sem er listi allra Skagstrendinga.
Í efsta sæti, fremstur meðal jafningja, er Steindór Haraldsson, innfæddur Skagstrendingur.
|
|
10:37 |
25. maí 2014 |
Minni hafgola - meiri sól
Eftir Bergþór Pálsson sem skipar 9. sæti J-listans
Hér, norður á hjara veraldar er lítið og fallegt bæjarfélag með fallegt bæjarstæði. Það er vart hægt að hugsa sér betri stað til að láta þéttbýli blómstra. Þetta er vissulega Blönduós.
Þjóðvegurinn dælir til okkar ferðamönnum og ekki er nú verra að vera með nokkrar af fengsælustu stangveiðisvæðum á landinu í kastfæri úr hlaðinu.
|
|
07:54 |
25. maí 2014 |
Það skiptir máli hverjir stjórna
Eftir Ólaf Inga Guðmundsson
Nú fara í hönd sveitarstjórnarkosningar eftir tæpa viku. Víðsvegar um landið eru framboðslistar að kynna sín kosningamál og áherslur fyrir næstu fjögur ár. Í því samhengi er nauðsynlegt að huga að því að meta fyrir hvað þessi framboð standa, hver eru þeirra gildi og sýn á samfélagið sitt. Á hverju byggja stefnuskrár framboðanna sem liggja til grundvallar þeirra framtíðarsýn á sitt samfélag. |
|
15:54 |
23. maí 2014 |
Ábyrg fjármálastjórnun – hagsmunir íbúanna að leiðarljósi
Frá frambjóðendum Nýs afls í Húnavatnshreppi
Við undirrituð skipum 1. – 4. sæti E-lista Nýs afls í Húnavatnshreppi. Nýtt afl hefur verið í meirihluta sveitarstjórnar Húnavatnshrepps síðastliðið kjörtímabil. Við höfum tekist á við mikinn tekjusamdrátt frá Jöfnunarsjóði með góðum árangri ásamt því að vinna að mörgum framfaramálum íbúunum til hagsbóta, í sveitarfélaginu og í samstarfi við aðra. |
|
14:05 |
22. maí 2014 |
Sveitarfélagið mitt
Eftir Zanný Lind Hjaltadóttir sem skipar 6. sæti J-listans
Þegar ég sé fyrir mér það sveitarfélag sem ég vil búa í til frambúðar þarf það að vera ákveðnum kostum búið. Mér finnst mjög mikilvægt að kjör barnafólks séu tryggð, kostnaði við dagvistun, fæði og tómstundir sé haldið í lágmarki og að skóli og leikskóli vinni vel saman. |
|
12:04 |
22. maí 2014 |
Ágætu Skagstrendingar
Pistill frá Halldóri Gunnari Ólafssyni, sem skipar 2. sæti H-lista, Skagastrandarlistanum
Ágætu Skagstrendingar, ég óska ykkur og okkur öllum til hamingju með það að fá tækifæri til að nýta kosningaréttinn þann 31. maí næstkomandi. Ég býð mig fram til áframhaldandi vinnu í ykkar þágu næsta kjörtímabil enda hafa síðastliðin átta ár verið afar lærdómsrík og í flestum tilfellum skemmtileg. |
|
12:05 |
21. maí 2014 |
Kraftur í atvinnumálin
Framtíð - frumkvæði – hugmyndir – tækifæri
Pistill eftir Guðmund Hauk Jakobsson sem skipar 2 sæti á L-listanum.
Framtíð okkar byggist á að íbúar geti haft vinnu við sitt hæfi. Öll viljum við stefna að því að auka fjölbreytni í atvinnulífi og fjölga störfum sem svo leiðir af sér aukna þjónustu í okkar bæ.
|
Til baka
Loka
Prenta
